使用回贈網站教學

相信好多人都未聽過回贈網站(Referral Website呢回事,但喺英國/美國/加拿大已相當流行。簡單啲講:只要您係回贈網站會員,經佢指定Link進入佢客戶網站,您就享有一定程度嘅現金回贈:回贈可以直接存入您PayPal戶口,您可以再用嚟網上購物,或指示PayPal轉往香港銀行戶口。

點解咁筍?好簡單:回贈網站每介紹一個客戶,商戶都會俾錢俾網站,回贈網站就將部份介紹費轉贈客戶,咁商家/回贈網站/客戶咪三贏囉!

喺芸芸眾多回贈網站中,以TopCashBack.com最為網民追捧,皆因佢出名慷慨,回贈金額一般比對手高,所以首次玩回贈大法嘅您,TopCashBack.com絕對係入門首選。今次就用佢做例子,教大家點樣玩回贈大法,以後上網買嘢之前,記得養成習慣:先去回贈網站Login,然後再去您目標網站購物,如果商戶網站本身已經有優惠,配合埋回贈,咁就雙劍合壁啦!

 

Step 1:登記成 topcashback 會員

Step 2:搵商戶

 

登記成功後,您可以喺上面橙色目錄欄中揀選商戶,但最快方法係喺右上角直接輸入商戶名稱,如果冇出關聯字,就代表該商戶不在TopCashBack.com回贈計劃中。今次就用Walmart為例子:

 

Step 3:確定商戶

 

系統搵到Walmart商戶,原來回贈5%!咁筍,即刻按”Cashback”鍵

 

 

Step 4:留意回贈計劃內容及條款

 

就算同一家商戶,買唔同產品都有唔同折扣率。睇啱就按”Get Cashback Now”開始進入商戶網站進行購物!

Step 5:確定出現”Your visit has been recorded”訊息,先去購物!

 

當您按”Get Cashback Now”時,會彈出另一個視窗去您目標商戶(例如今次為例嘅Walmart官網),但謹記要去番原本視窗,確保有如圖所顯示嘅”Your visit has been recorded”訊息先去購物!呢個訊息係表示TopCashBack.com正式承認今次轉介,開始追蹤您今次購物過程,您可用番平常方法購物就得。

Step 6:查詢回贈金額

 

成功訂房後,TopCashBack.com會於一至數日內Send Email俾您確認回贈金額,並於您戶口上顯示,查詢方法係:

1. 按”My Account”

2. 按”Earnings”

當回贈成功入帳後,您可轉入自己嘅PayPal戶口,然後經由銀行提取。

© 2014 by Ezy-Go Team. Proudly created with Carbin Crew